Како да направите гардеробер во кој сите парчиња облека одговараат едни со други?

Многу облека, а пак ви се чини како да немате што да облечете? Тоа е чест проблем кој им се случува на многу жени.

Сепак, постои начин како можете да се ослободите од маките кои доаѓаат со реченицата: „немам што да облечам“.

Станува збор за идејата позната како „капсула гардеробер“.

Што е „капсула гардеробер“?

Претставува колекција на парчиња кои совршено се комбинираат едни со други. Обично се состои од 12 парчиња од кои можат да се направат 12 до 18 различни комбинации.

Правила:

1. Важно е секое парче облека или накит кое е дел од капсулата да се комбинира со секое друго парче.

2. Пред да оформите капсула треба да откриете кој крој најмногу ви одговара, оној кој ќе ги потенцира добрите страни, а сокрива лошите, и на него основајте ја капсулата.

3. Основно парче облека од капсулата - класично парче облека кое одговара на секоја сезона и кое можете да го носите со години. Нешто како фармерки, панталони, еднобоен џемпер, еднобоен капут, здолниште или класичен фустан.

4. Парчињата во капсулата мораат да бидат со одличен квалитет за да траат со години.

5. На основа на овие парчиња, после е многу лесно да го освежите гардероберот, без да треба да ја промените структурата на целиот гардеробер.

6. Боите во една капсула не треба да варираат во повеќе од три до четири бои, а едно до две парчиња мораат да бидат со иста боја.

8 работи + накит = 17 различни изгледи

Како пример, како да си го организирате гардероберот во форма на капсула, ќе ви претставиме неколку примери со 8 парчиња облека: капут, џемпер, дуксерка, фустан, фармерки, маичка, здолниште и кошула.

Плус, 8 различни додатоци: патики, чевли, 2 чанти, ранец, ремен, шал и очила за сонце.   

Н. Г. | Црнобело