7 грешки при изборот на облека заради кои делувате подебели отколку што сте

После целиот тој процес од секојдневно вежбање, јадење по еден тон овошје и зеленчук, трчање наутро, сè со цел до послаба фигура, не вреди впечатокот да го расипете со погрешен избор на облека.

Ви требаат само неколку минимални корекции кои ќе ви помогнат дополнително да ги нагласите резултатите.

Потрудете се да се држите до овие 7 правила:

1. Големи, крупни дезени

Карираниот дезен може да ви изгледа модерен, но визуелно ќе ви додаде неколку сантиметри плус. Секогаш бирајте облека со ситни текстури и принтови.

2. Хоризонтални принтови

Хоризонталното ја проширува фигурата - тоа е основното правило кое треба да го запаметите.

3. Нападен декор

Големите карнери и набори ве прават за барем 2 броја поголеми. Обидете се да одбирате облека која има вертикални декорации, како на пример патенти.

4. Големи принтови и хоризонтални елементи

Покрај тоа што хоризонталните пресеци, како на пример лентата или засекот околу струкот, ве прават помасивни, сандалите во случајов се уште една грешка. Најдобро е нив да ги замените со високи потпетици кои одговараат на тенот, а хоризонталните пресеци да ги замените со V отвори и шлицови.

5. Заоблено деколте

Уште еднаш, V деколтето ви е подобар и поелегантен пријател отколку затворениот врат.

6. Широки хоризонтални линии

Во шаренилото од линии и бои, ризикувате да ви се изгубат стеснувањата и облините на телото и да изгледате како да сте облекле безлична вреќа. Од друга страна, ситните линии ви ги нагласуваат деловите кои треба да се истакнат.

7. Светли бои

Пример, шарата е иста, а бојата различна. Но, жената на првата фотографија изгледа многу пошироко, отколку онаа на втората. Плус, задолжително мора да внимавате на ширината на облеката - ако носите широки панталони, заборавете на широките маици и обратно.

М. Д. | Црнобело