5 модни трикови од најмодерните Русинки за шик зима

Зошто да не изгледате модерно и убаво, дури и кога температурите ќе се симнат под нулата?

Ако постои некој кој најдобро знае да избере соодветна облека за ладните месеци, тоа секако се Русинките.

Неколку од најпознатите манекенки и блогерки зборуваат за тоа без кои парчиња облека не можат да ја замислат зимата...

1. Влада Рослјакова

„Шалот од кашмир е одлична инвестиција. Можете да го префрлите преку рамената додека сте во затворена просторија и така да се загреете, а надвор да го носите околу главата, без да ви ја уништи фризурата како што тоа би го направил шеширот“.

2. Валентина Зелјаева

„Како дете носев слоевита облека и традиционални војнички чизми со крзно. Мојата баба ми плетеше џемпери, чорапи и шалови кои ги носев замотани околу лицето за да се заштитам од студот. Денес обожавам да носам ролки. Мислам дека се многу модерни, а и многу топли“.

3. Дарија Строкоус

„Најдете топол капут или јакна, за да не морате да облекувате многу слоеви облека или 15 џемпери, чие место е очигледно во пролетниот плакар“.

4. Вика Газинскаја

„Во Русија се носи многу крзно, но со оглед на тоа што сум вегетаријанка, јас не го правам тоа. Наместо тоа, носам доста плетена облека, како и традиционален руски шал кој може да се комбинира на многу начини“.

5. Ања Зиоурова

„Сакам раскошни крзнени капути, а поседувам и крзнен шал кој одлично одговара со тоа. Зацрвенетите образи и насмевката одговараат на секаков вид крзно.

М. С. | Црнобело