Тајните за убавина на ѕвездите

Повеќе пати сме читале какви се лудости применуваат познатите личности за да го одржат својот изглед. Како што се ближи летото, ова се неколку...

 

...мошне едноставни предлози за подобар изглед кои ги практикуваат убавиците.

1. Меган Фокс пие јаболков оцет за да го прочисти телото од токсини. Таа тврди дека не е фан на диети и вежбање, па затоа се труди почесто да го прочистува телото од штетните материи.

Јаболковиот оцет врши детоксификација на црниот дроб кој игра важна улога во одржување на тежината.

Две кафени лажички јаболков оцет со вода пред секој оброк, може да ви помогнат да се ослободите од вишокот килограми, а е богато и со витамини и минерали.

2. Ева Лонгорија тврди: “Јадете на секои 2 или 3 часа. Избегнувајте прејадување“. Таа советува да се појадува најдоцна 2 часа откако ќе се разбудите за да се забрза метаболизмот.

3. Кели Озборн се “преполови“ откако се откажа од алкохолот и дрогата. Голем дел од алкохолните пијалаци содржат шеќери кои се таложат во вид на масни наслаги.

4. Ако јадете риба (лосос или сардина) барем 3 пати во неделата, подолго ќе го задржите младешкиот изглед. Мадона се држи до овој совет и мора да признаеме дека изгледа сјајно за своите години.

5. Гвинет Палтроу е голем обожавател на зелениот чај. Тврди дека освежува и во летните месеци. Тој го регулира шеќерот во крвта и нивото на инсулинот во телото.

6. Деми Мур советува да внесувате многу овошје и путер од кикирики кој е сјаен извор на енергија.

И за крај, заедничкиот совет – Пијте многу вода!