Идеја вредна милиони - фустани со весели мотиви на грбот кои го опседнаа Балканот

Случајната креативна идеја на српската водителка Аида Јокановиќ се покажала како прилично профитабилна, откако нејзиниот бренд Wholly постигна огромен успех.

Се чини дека летово секоја девојка сакаше да има барем едно парче од нејзината линија на кежуал маици, односно фустани. Но, она што ги прави посебно интересни се деталите на задниот дел од инаку еднобојните парчиња.

Аида го создала првиот фустан со рачно изработен балон за нејзината пријателка која обожувала балони. Таа сакала само да ѝ подари нешто што ќе потрае подолго со нејзиниот омилен мотив.

Потоа го создала фустанот со будилник за девојките кои постојано доцнат, фустаните за оние кои се зависни од сонцето и сончевите зраци и за оние кои постојано добиваат некакви нови идеи, симболично означени со светилка на грбот.

Девојките кои веќе ги имаат овие долги маици кои може да се носат и како фустани тврдат дека се најудобното мекано нешто кое го носеле досега.

Боите се живи, а за секого постои мотив на грбот во кој ќе се пронајде.

Аида сакала зборот „Hole“, односно „Дупка“ да биде составен дел од името на брендот согласно изгледот на модните парчиња, па си поиграла со изговорот доаѓајќи до решението „Wholly“.

Со оглед на тоа што сите сакаме интересни детали на задниот дел од нашата облека, не би ни дошле лошо неколку парчиња со дупките на Wholly:

(О)Милена | Црнобело