Копија vs. оригинал: 9 работи на кои не смеете да штедите

Квалитетни очила за сонце, часовник, фармерки и чевли се парчиња на кои не смеете да штедите.

Зборовите „распродажба“ и „попуст“ имаат дејство како магична напивка врз нас и веднаш нè тераат да одиме во продавниците и да потрошиме тон пари на работи кои немаат вредност.

Убаво е да се купува на попуст, но на некои работи навистина не смеете да штедите.

Постои голема разлика од квалитетниот производ до евтината копија:

Свила

Од сите природни материјали, свилата има најголема сила. Едновремено, таа е еластична, го пропушта воздухот, ја апсорбира влагата од кожата и останува сува. Затоа парчињата облека од свила се толку комфорни за користење.

За да разликувате природна свила од некоја евтина копија, само стиснете го материјалот неколку секунди во рацете и пуштете. Таа практично не се тутка, па наборите или ќе бидат едвај видливи или воопшто нема да ги има.

Алпака волна

Алпака волната се смета за најскапата во светот. Облеката направена од овој материјал не се тутка и долго време ја задржува својата идеална форма. Џемперите од оваа волна чинат од 5.000 денари, па нагоре.

На квалитетните производи најчесто има закачено примерок од волната, па тоа ќе ви помогне да го разликувате оригиналот од копијата.

Памук

Памукот е еко пријателски материјал, има хипоалергенски својства и удобност што ја обезбедува кога носите облека направена од него. Колку повеќе памук има во составот, толку поскап е производот.

Може да утврдите присуство на синтетички нечистотии по карактеристичниот сјај. Покрај тоа, памукот ја зема телесната температура, а вештачките материјали секогаш остануваат студени.

Фармерки

Искушението да купите евтини фармерки ви носи ризик да купите фармерки кои ќе се растегнат по првото перење. Квалитетните фармерки, за разлика од копиите, ќе ве служат со години.

Пред купувањето свијте ги фармерките на рабовите. Ако се дури и малку асиметрични - имате копија. Исто така, обрнете внимание на квалитетот на рабовите и на рамнотежата на конците.

Чевли

Изборот на чевли не влијае само на естетиката, туку и на здравјето. Скапите модели по правило имаат дизајн, кој не ве осудува на непријатно чувство додека ги носите. Тие не ве удираат од страните, туку речиси и не ги чувствувате на нозете.

За да го проверите квалитетот на чевлите, нежно свиткајте ги. Тие треба да бидат доволно нежни и флексибилни. Исто така, обрнете внимание на мазноста на рабовите и еднаквоста на бојата.

Ремен

Износен лош ремен може да ја расипе целата слика. Продуктите направени од вештачка кожа се многу поевтини, но брзо стануваат безвредни. Ако ова парче облека ви е дел од секојдневниот изглед, купете си еден квалитетен модел, наместо да ја разделите истата сума на неколку неквалитетни.

Лесно е да разликувате вистинска кожа од вештачка кожа. Истурете неколку капки вода врз површината на ременот, ако влагата се апсорбира, тогаш тоа е вистинска кожа.

Очила за сонце

Неквалитетните очила за сонце може да го оштетат вашиот вид бидејќи тие воопшто не ги штитат вашите очи од ултравиолетовите зраци.

Квалитетот на моделот што ќе го одберете може да се процени преку комплетниот сет. Треба да има кутија со врежано лого од компанијата, марамче и во внатрешноста на рамката мора да биде гравирано името на моделот.

Часовник

Евтини, но луксузни часовници едноставно не постојат. Правилото е подобро еден квалитетен, отколку неколку копии.

Кога купувате запомнете дека сè е во деталите. Копиите ги оддава дури и најмала мана како гребаница, разлика во бојата на стрелките и бројките, некое искривување кај логото итн.

Парфем

Ниската цена на парфемот посочува на низок квалитет на состојките во неговиот состав. Неговиот мирис може да исчезне за половина час, а уште полошо неквалитетниот парфем да ви предизвика иритација на кожата.

Добар начин да разликувате копија од оригинал е да го проверите серискиот број на парфемот. Треба да го има на дното на шишето и да се поклопува со бројот на пакувањето.

С. С. | Црнобело