Модни бламажи кои ги претрпеа славните дами

Ви се случило ли некогаш набрзина да се средите, а дури подоцна да сфатите дека по грешка сте навлекле искинато парче? Или, пак, облеката да ви откаже послушност на лице место, пукајќи во најлошиот можен миг? 

Незгодите со гардеробата се случуваат секому. Ниту познатите личности не се исклучок.

Дури ни ѕвездите кои сте навикнати да ги гледате во топ издание од глава до пети, не се имуни на вакви „гафови“ во јавноста.

Ви споделуваме неколку модни бламажи на славните дами, со кои ќе сочувствуваат мнозинството жени што се нашле во слична ситуација:

Џенифер Гарнер

Во една прилика, холивудската актерка беше „уловена“ од папараците при одење на шопинг. За жал, она што не остана незабележано од нивните фотоапарати, беше нејзината мала модна незгода. Од фармерките на Џенифер, ѕиркаше работ на скинатите гаќички.

Елизабет Бенкс

Претесната облека може да биде подеднакво ризична за носење. Тоа со својот пример го докажа глумицата, на која гламурозниот фустан ѝ се распукна кај патентот. Ни помалку, ни повеќе – на престижниот филмски фестивал во Кан.

Ејми Вилертон

На црвениот тепих немаше среќа ни убавицата Ејми Вилертон, па наместо за нејзиниот прекрасен изглед, медиумите повеќе пишуваа за страничната пукнатина на  фустанот што таа го облече за пригодата.

Џенифер Лопез

Скинатите хулахопки се „проблем“ со кој секојдневно се соочуваат жените, а го искуси и мегапопуларната Џеј Ло. За време на настап – качена на бина и пред широк аудиториум.

Кејт Мос

Супермоделот Кејт Мос, пак, максимално ја тестираше издржливоста на својата вечерна тоалета. На прославата од модниот магазин Vogue, таа првин изгледаше како „милион долари“.

Но, после неколку часа журкање, елегантниот црн фустан ѝ беше толку раскинат, што повеќе наликуваше како да преживеала апокалипса.

Кендал Џенер

На долгоногата Кендал Џенер, само малку ѝ се распараа хеланките. Сепак, будното око на фоторепортерите не замижа ниту пред овој „пропуст“.

Марија Фаулер

Во моментот кога англиската манекенка Марија Фаулер излегуваше од автомобил, нејзиното мини здолниште се расцепи долж задниот раб, сосема откривајќи ѝ го задникот. Таа се обиде да го прекрие со чантичката, но неуспешно. 

Софија Вергара

На слични маки се најде и сексапилната латино заводничка, чијашто свечена креација ѝ откажа послушност дваесетина минути пред подигнувањето награда. За среќа, додека таа да излезе на подиумот, проблемот веќе беше решен.

Криси Тајген

Белиот фустан на Криси попушти пред нејзините облини, па и онака високиот шлиц ѝ се зголеми за дoполнителни 10 сантиметри. За да го сокрие меѓуножјето, таа исто така ја искористи плик чантичката.

Лејди Гага

Американската пејачка немаше можност да го поправи, ниту пак да го прикрие процепот на костимот од латекс. Незгодата ја затекна на сцена, додека одржуваше концерт пред публиката.

М. А. | Црнобело