Само на задникот имаат 20 слоја шминка: Работи кои моделите на Victoria's Secret мора да ги направат пред шоуто

Тие на пистата треба да создадат илузија на совршено тело, а пред појавувањето има строга селекција и макотрпна работа.

Кога ќе помислите на Victoria's Secret сигурно пред очи ви се прекрасните ангели, односно супермоделите кои се дел од ова спектакуларно шоу.

Кои се неофицијалните работи кои моделите треба да ги направат за да се појават на модното шоу:

Мора да покажат дека имаат силна работна етика и се шармантни

„Најуспешните модели се оние кои работат, се подготвуваат и не земаат ништо здраво за готово“, велат одговорните во оваа компанија.

Приоритет треба да биде кариерата, а не забавите, па така додека од некои модели гледаме фотографии од клубови и забави до раните утрински часови, Адриана Лима скокаше на јаже по 3 часа.

Откако се избрани, моделите минуваат седмици и седмици во теретаната

Вежбаат по 2 пати на ден во седмиците пред шоуто со лични тренери. Тренинзите се интензивни и си имаат поставено цели кои треба да ги постигнат.

Некои модел одат и на часови по балет за тонирање на нивните тела.

Инаку, моделите како Лима кои беа дел години и години од ова шоу не престануваат со тренинзите и по шоуто.

Долго пред шоуто моделите мора да бидат подготвени со тон шминка на себе

Минатата година 32 шминкери, 27 фризери и 11 девојки задолжени за маникир ги подготвуваат 55-те модели за гламурозното шоу.

Од додатоци во косата до спрејови за тенот, покрај шминкањето на секој од моделите има многу работа.

Мора да се креира илузија на совршено тело на модната писта. Луѓето не се свесни дека само на задниците моделите имаат 20 слоја шминка.

Не смеат да бидат срамежливи затоа што ги облекува тим од луѓе

Кога ја облекуваат долната облека околу нив има тим од луѓе, па тие не треба да се срамат од својата голотија.

Сепак, во таа соба се само тие луѓе специјализирани за тоа и не е дозволено да влегуваат фотографи. Има и женски чувари пред вратата додека тие го ставаат накитот, крилјата и сè друго.

За да продолжат да работат со брендот мора да докажат дека се добри со продажбата на Victoria's Secret

„Само моделите што ќе се покажат добро во продажба на парчиња од брендот ќе бидат унапредени и со нив ќе продолжи соработката“, велат одговорните од Victoria's Secret.

Ангелите се жени кои треба да им се допаднат на другите жени.

С. С. | Црнобело