Добро осмислени трикови поради кои имате необјаснива желба да трошите пари во Zara

Zara е веројатно најголемиот и најпознат ланец на т.н. „улични брендови.“ Славата е светска и непобедлива со години.

Но, како сите имаат неверојатно голема желба да ги трошат парите токму во Zara?

Откриваме неколку трикови кои можеби не сте ги знаеле, а конечно ќе ви ги отворат очите зошто немате проблем во Zara да ја оставите половина плата:

1. Најскапите парчиња се поставени на влезот

Со оглед на тоа што жените веруваат во љубов на прв поглед (посебно со облека и чевли) ова е одлична стратегија. Zara се води по стратегијата: го видов, го сакав, го купив.

2. Облеката, чевлите и чантите се на едно место

На овој начин, нема потреба да се мислите со какви чевли ќе ви одговара новиот фустан или капут – едноставно ги пробувате чевлите кои стојат во близина и сфаќате дека и нив мора да ги купите.

3. Zara нема буџет за маркетинг

Не се работи за штедење, туку за создавање на чувство на ексклузивност и квалитет. На крајот од краиштата, дали сте виделе Balenciaga или Versace постер?

Наместо во евтини реклами, Zara вложува во разни каталози, кои создаваат илузија дека купувате нешто скапо и елитно.

4. Брендот е распространет низ сите слоеви во општеството

А, тоа што Кејт Мидлтон знае да одбере Zara фустан или ланче, е повеќе од доволен маркетинг.

5. Брендот пушта „капсулни“ колекции кои ако не ги купите сега – нема да ви бидат достапни никогаш повеќе

Самата помисла дека јакната која ја видовте пред 10-тина дена на излогот можеби нема да биде никогаш ваша ако не ја купите сега, создава желба за импулсивен шопинг. А, тоа е најдобриот начин за бенефит.

М. Д. | Црнобело