3 најпопуларни бои на балетанки за лето 2019

Во текот на летото имаме навистина поголем избор кога станува збор за обувки, а најомилениот модел на сите им се балетанките. Овие удобни и лесни обувки можете да ги комбинирате со буквално сè, а доаѓаат во сите бои и со секакви дезени.

Доколку не можете да се одлучите какви балетанки да си купите ова лето, погледнете ги 3-те модели и бои што сезонава се апсолутен хит:

Впечатлива боја

Доколку го сакате монохроматскиот стил, тогаш за вас совршени се балетанките со силни и впечатливи бои.

Пред сè, овие модели ќе ја разбијат монотонијата на вашиот изглед, ќе внесат свежина во целокупниот стајлинг и вашата комбинација нема да остане незабележана.

Црвени, портокалови, жолти, сини... на изборот како да му нема крај, а сите нијанси одлично стојат со неутралните бои.

Летна неутралност

Доколку ова лето сакате да изгледате навистина модерно, одберете балетанки со неутрална нијанса. Најдобри се кафеавите, како и оние со боја на песок, кожа и пудра розова.

Овие бои се најлесни за комбинирање, а истовремено ќе ги издолжат вашите нозе.

Овие бои можете да ги вметнете во речиси секоја комбинација, а ќе ви помогнат да изгледате впечатливо и романтично.

Бело лето

Белата е една од најпосакуваните бои во летниот период, па не е ни чудно што балетанките со оваа боја се навистина популарни.

Белата е неутрална нијанса што ќе ви помогне да го освежите вашиот изглед, а можете да ја носите со буквално секоја боја, без разлика дали е неутрална или посилна.

Се разбира, доколку не сакате чисто бели балетанки, секогаш можете да најдете нешто со потемна нијанса, како на пример со боја на шампањ.

Спирова С. | Црнобело