Како да ја одберете најдобрата чанта според типот на вашето тело?

За да го креирате совршениот изглед, треба да мислите на сè. А дури и вашата чанта може да има големо влијание врз крајниот резултат.

Поради тоа, би требало да знаете кои модели на чанти стојат најдобро на вашиот тип тело.

Кој е вашиот тип тело?

- Доколку вашите рамена се пошироки од колковите, тогаш вашето тело е во форма на превртен триаголник.

- Доколку половината и рамената се потесни од вашите колкови, тогаш вашето тело има форма на круша.

- Доколку рамената, половината и колковите се со иста големина, вашето тело има форма на правоаголник.

- Доколку половината е поширока од колковите и рамената, вашето тело е во форма на јаболко.

- Ако рамената и колковите се со иста големина и се пошироки од половината, вашето тело има форма на песочен часовник.

Експертите сметаат дека кога одбирате чанта, таа треба да има спротивна форма од формата на вашето тело.

Погледнете што значи тоа:

Форма на превртен триаголник

Доколку ова е вашиот тип тело, обидете се да го насочите вниманието кон вашиот струк. Обрнете внимание на должината и ширината на рачките.

Бидејќи не треба да ги нагласувате рамената, не купувајте премала или преголема чанта со широки рачки.

Најдобро ќе ви стојат чантите со долги рачки, чанти-колани и мали чанти.

Форма на правоаголник

Вие треба да додадете облини на вашето тело, па за вас најважни се дизајнот и материјалот на чантата.

Рачките треба да бидат доволно долги за чантата да стигнува до вашите колкови.

Наместо мали чанти со геометриска форма, најдобро ќе ви стојат големите торби, изработени од мека кожа.

Форма на круша

Бидејќи не треба да го нагласувате долниот дел од телото, задржете го фокусот на рамената и градите.

За да го постигнете ова, треба да внимавате само на должината на рачките. Односно, чантата не треба да биде пониско од вашиот струк, а добро ќе ви стои речиси секој модел. 

Форма на јаболко

Бидејќи треба да направите илузија со која ќе создадете рамнотежа на вашата силуета, големината и дизајнот на чантата ќе имаат најголемо влијание.

Држете се понастрана од мали модели со кратки рачки. Најдобро ќе ви стојат големи кожни чанти и чанти со рачка на врвот.

Форма на песочен часовник

Доколку вашето тело е со форма на песочен часовник, воглавно добро ќе ви стојат сите модели.

Сепак, најдобро е да одбирате чанти што нема да ја прикријат вашата фигура. Дајте им предност на едноставните дезени и текстури.

Спирова С. | Црнобело