Како да се облечете како милионерка, дури и кога не сте?

Со проѕирна гардероба и со животински принт најлесно може да погрешите.

Многу жени грешат кога сакаат да постигнат поскап изглед, а го добиваат спротивниот ефект.

Ова се неколку основни совети со кои и најевтината гардероба може да изгледа скапо и префинето:

- Со животински принт најлесно може да погрешите. Затоа, избегнувајте облека која е целосно покриена со животинска шара. Овој принт е добар само за детали и аксесоари.

- Кога носите црно од глава до пети, внимавајте облеката да не биде избледена.

- Фустаните со длабоко деколте може да делуваат прилично невкусно.

- Штиклите се добар избор, но само без платформа. Класичните салонки се резервирани за дами.

- Не претерувајте со чипката, цирконите и светките.

- Заборавете на маиците со огромни натписи на познати брендови кои не се оригинал.

- Избегнувајте неонски бои. Неутралните нијанси секогаш делуваат скапо.

- И со проѕирната облека може да погрешите. Не носете блузи под кои се ѕирка градникот.

- Бирајте чанти со дефиниран облик, наместо вреќасти модели.

- Со сандалите никогаш не носете хулахопки.

М. Д. | Црнобело