Овошната мода е хит

Овошјето е вкусно, здраво и еден од главните модни трендови за оваа пролет. Оваа пролет и лето ќе се изнагледаме секакви примероци и стилови...

...кои ги „тресат“ модните писти – од пруги во сите видови, до повеќебојни/еднобојни комбинации. И сега уште еден тренд кој не смее да се заобиколи ако барем малку ја следиме модата.

Сè почна ситно и дискретно... По некој привезок, обетки... за да на крај низ модниот свет да експлодира цела овошна салата. Црешите, јаболката, бананите и крушките им беа музи на модните дизајнери и тие подготвено ги префрлија од позадината во центарот на вниманието – на облеката, чевлите и шешири.

Трендот го најави модната уредничка на јапонскиот Vogue, Ана Дело Русо, која на есенските ревии се појави со шешири украсени со гигантски цреши и со нешто помала лубеница, а не заостанаа ниту останатите уреднички Емануела Алт (Vogue) и Каролина Иса (Tank Magazine), па дури и главната ѕверка и најголемата модна диктаторка – Ана Винтур.

Дизајнерките имаат свои приоритети кога е овошјето во прашање, Стела Мак Картни се одлучила за лимони, портокали и грејпфрути на бела подлога. Има дизајнери кои измешале се живо.

Што би одбрале вие од овој тренд?