75-годишен дедо вљубен во уличната мода докажува дека стилот не знае за возраст (фото)

Поради некоја причина, повеќето повозрасни луѓе се откажуваат од тренди облеката, но овој 75-годишен дедо кој е вљубен во блузони, капчиња и тренди патики е доказ дека стилот не знае за возраст и можете да бидете модерни без разлика на вашата возраст.

Многу луѓе ја користат облеката за да се искажат себеси, но факт е дека обично само помладите си дозволуваат да носат тренди облека и повеќето возрасни луѓе се водат по она дека некоја облека не им личи на годините.

Но, фотографот Џаник Диефенбах и неговиот 75-годишен дедо започнале проект кој е доказ дека стилот не знае за возраст и можете да носете што сакате, без разлика колку години имате.

Џаник го фотографира неговиот дедо во тренди комбинации, некогаш инспирирани и од славни личности како Канје Вест и Џастин Бибер, кои потоа ги објавува на Инстаграм. На фотките неговиот дедо носи капчиња, блузони, шарени панталони и што уште не, а секогаш изгледа одлично.

Џаник почнал да го фотографира дедо му на крајот од 2016-та, а проектот станал толку популарен, што денес Инстаграм профилот го следат 1 милион луѓе.

„Ја имав идејата и го прашав дедо дали сака да ја проба мојата облека и, на мое големо изненадување, ми рече да. Така започна сè“.

Претходно неговиот дедо не обрнувал внимание на својот стил, исто како и повеќето луѓе на негова возраст.

„Дедо се облекуваше како просечен пензионер, со здодевна облека и воопшто не сакаше спортски парчиња. Кога ја проба мојата облека, се чувствуваше одлично и му се допадна како изгледа. Бидејќи се чувствуваше толку добро, а фотосесиите му беа забавни, продолживме со проектот со разни комбинации. Со текот на времето, почна да носи ваква облека и во секојдневниот живот. Сега најмногу сака улична мода и патики“.

Погледнете дел од комбинациите на овој модерен дедо:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело