„Грдите чевли“ сепак ќе бидат хит ова лето – удобни и покрај потпетиците од 9 cm (фото)

Модата се „врти во круг“, но последниве неколку сезони, уличната, односно секојдневната мода е постојано во знакот на удобноста, но и враќањето кон природата и обновливите извори.

Природните материјали стануваат сè попопуларни, особено памукот и ленот. Но, модната куќа Bottega Veneta на чело со креативниот директор Даниел Ли реши за новите папучи да употреби материјали како слама и рафија.

Иако го носат епитетот „грди“, сепак, овие очигледно удобни папучи, и покрај потпетиците од 9 cm, ги освоија сите.

Сите побрзаа да ги купат поради интригантната плетка, а одлично се комбинираат со фармерки, фустани и здолништа. Доаѓаат и во друга варијанта, односно рамен модел без потпетици.

Цената на оригиналниот дизајн изнесува неверојатни 800 евра, па други брендови решија да ги ископираат и да понудат свои верзии од овие „плетени“ папучи со широк, квадратен преден дел.

Што мислите вие, дали ви ги носеле ова лето?

(О)Милена | Црнобело