Вежба за затегнати нозе

Не е тајна дека ѕвездите кои немаат никаков проблем со пари, си имаат свој личен тренер, нутриционист како и цел персонал кој се грижи околу нивниот изглед.

Но, постојат неколку основни работи кои сите мораат да ги прават за да имаат добро тело и убави нозе, па макар тоа била и најголемата ѕвезда на сите времиња.

Личниот тренер на славните – Адам Ернстер, препорачува многу трчање, танцување и кардио активности за да се одржи посакуваната телесна тежина и за да се обликува телото.

Значи, нема мрзливост! Без потење ниту Мадона нема да изгледа како што изгледа во моментот, а камо ли просечна домаќинка.

Откако ќе се загреете со трчање или танцување (латино музиката е како создадена за ова) пробајте ја оваа вежба:

1. Легнете со лицето свртено кон подот на пилатес топа, рацете испружени пред вас, а лактите благо превиткани.

2. Свиткајте ги колената и спојте ги петите.

3. Подигнете ги нозете додека не станат паралелни со подот и задржете ги така 10 секунди.

4. Вратете ги нозете на подот.

5. Повторете ја вежбата 15 пати.