Машки правила за паметен избор на облека

Цели 80% од мажите имаат проблем кога треба да одберат парче облека и не секогаш се сигурни во крајниот избор.

За да не погрешите при изборот на сако, одело, шорцеви или чевли, следете ги овие едноставни совети и правила.

Класично сако

- Долното копче никогаш не треба да е закопчано, ако копчињата се во еден ред.

- Долните копчиња може да бидат закопчани, само ако сакото има двоен ред копчиња.

Кошула и машна

- Под сако, се носат само кошули со долги ракави, никако со кратки.

- Кошулите со кратки ракави се носат лежерно, без сако или машна.

- Краватата мора да ја допира линијата на струкот, односно ременот.

- Краватата/ашната по правило би требало да е потемна од нијансата на кошулата.

Чорапи

- Чорапите би требало да одговараат со бојата на панталоните, не на чевлите.

- Неформалните настани и состаноци дозволуваат шарени и дезенирани чорапи.

- Должината на чорапите мора да е повисока, за кога ќе седнете, да не ви се гледа гол дел од ногата.

Шорцеви

- Шорцевите не би требало да завршуваат под коленото.

- Синтетиката е добра за спортски настани и тренинзи, но во секојдневието преферирајте природни материјали.

- Шорцевите не се дозволени за деловни состаноци или за на работа.

Ремен и трегери

- Правилото е едноставно – или ремен или трегери. Никогаш заедно.

Фармерки

- Кога одбирате фармерки важно е да ги задржите пропорциите на телото. На пример, прешироките фармерки или претесни, може да ви додадат неколку килограми плус.

- Фармерките би требало да ги носите со ремен, колку и да сте лежерно облечени.

- Маиците секогаш се носат врз фармерките, кошулата може и да се стави во нив.

Чевли

- Бизнис дрес кодот налага чевлите да бидат во иста боја како ременот.

- Чевлите секогаш би требало да се потемни од панталоните.

- Со фармерки се носат полежерни модели на чевли, додека елегантните треба да се носат исклучиво со панталони.

- Сандалите, еспадрилите и мокасинките треба да се носат со боса нога, без да се гледаат чорапи.

М. Д. | Црнобело