Опседнати ли сте со убавината?

Секоја жена сака да е убава – не баш да изгледа како манекенка, но сепак да биде убава. Во тоа и помагаат: гардеробата, козметичките препарати...

...декоративната козметика.... Сепак, постојат жени кои знаат да претераат во грижата за себе.

На што се мисли? Разни медиуми постојано нè бомбардираат со пораки за тоа како изгледа убавината, што е во тренд, добиваме куп совети (некогаш и противречни) за тоа како да се разубави овој или оној дел од телото, што со што одговара, а што не... Секако има и корисни совети, и точни работи – но дури и ако е така, не мора баш секогаш да се придржувате на советите.

Имено, најубава жена е задоволната жена. Жената која е задоволна со себе си, која што има сила во себе, ведра е и љубезна. Таа зрачи со убавина, онаква каква што ниту една козметика, гардероба, па ни естетска хирургија не би можела да создаде. Ако се опседнете со козметика, облека ... со време станува здодевно и престанува да биде задоволство, станува оптеретување и полека го губите природниот шарм и безгрижност.

Затоа, да не се заборави, ако ви се допаѓа некој парфем кој е наменет за тинејџерки, а убаво ви мириса, ставете го! Доколку сакте да си поиграте со боите кои „по правило“ не одат една со друга само напред! Експериментирајте, забавувајте се, немојте да ги сфаќате својот изглед, а ниту себеси пресериозно и секогаш ќе имате доза на ведрина.

Најубава жена е онаа што од срце се смее – млада или стара, полничка, слаба или со идеална фигура, со фарбана или природна коса (може и побелена), нашминкана или без шминка, најубава е насмеана.