Кои бои ви стојат?

Во пролетен тип спаѓаат личности со кајсија боја на кожата, сина коса, без разлика на висината и градбата. Поради тие нежни бои и овие личности делуваат нежно и кревко.

Убаво им стојат нежни бои: тиркизна, месо боја, боја на кајсија, светло зелена, златно беж....

Му припаѓате на овој тип и сакате да ја исфарбате косата? Немојте во темни нијанси – евентуално можете да извлечете темни прамени.

Темните и изразити бои ќе направат да изгледате бледо и како да сте болни: да речеме крем нијанса на бела боја на вас ќе изгледа секогаш поубаво отколку чисто бела боја. Што се однесува до накитот – користете накит со бисерна, корална или тиркизна боја, тој ќе ја нагласи вашата убавина.

Летен тип: припадниците на овој тип меѓу себе можат многу да се разликуваат – некои ќе имаат розевкасто блед тен, некои маслинесто зеланкаст, некои пепеласто руса, некои светлосмеѓа боја на коса. Бојата на косата не делува баш дефинирано.

На овој тип луѓе добро им стои сребрена, вишна, розева, небесно сина, како и светло сина боја. Портокаловата боја воопшто не им стои. Косата, ако ја фарбаат, добро ќе биде тоа да е во костенлива или темносмеѓа боја. Што се однесува до накитот, јасните бои ќе им стојат подобро од пастелните –  никако неонски нијанси.

Личностите од есенскиот тип најпрепознатливи се по косата со црвенкаст отсјај и пеги. Топлите нијанси убаво им стојат – сите нијанси на смеѓа, портокалова, златна, бакарноцрвена, жолта и маслинесто зелана боја. Косата не би требало да ја осветлуваат. Предлог за шминка најчесто не им е потребен, дречавите бои грозно им стојат, додека златните нијанси на накит и шминка им одговараат повеќе од сребрените.

Зимски тип: Се сеќавате на описот на Снежана од бајките - темна коса, бел тен и црвени усни? На тоа додајте и светли очи – тоа е описот на зимскиот тип.

На овој тип најдобро му стојат силни бои: црвена, виолетова, темно сина, темно зелена... Контрастите одлично им стојат (црно-бело, на пример), од накит - сребрен, црн или црвен, никако златен. Осветлуавњето на косата лошо би им стоело, како и топлите, земјени бои на шминка, накит и гардероба – од тоа кожата би можело да им изгледа жолтениакво.

Може да се случи да му припаѓате на еден тип, а да имате особина на некој друг тип, или да сте мешавина од два типа – тогаш направите комбинација на советите за двата типа на луѓе.

Се пронајдовте ли во некој тип?