Популарни летни парчиња што треба да ги избегнувате ако сакате да изгледате елегантно

Кроп-топ маичките не се најдобар избор за елегантните модни комбинации, а истото важи и за летната облека што е малку проѕирна.

Во лето сите сакаме да носиме што е можно помалку облека направена од лесни материјали. Но, во зависност од пригодата, не секогаш можеме да си го дозволиме овој „луксуз“.

Кога станува збор за деловни комбинации или настан кој бара да се облечете елегантно, треба да избегнувате одредени парчиња што се популарни во текот на летото.

Ова не значи дека не треба да ги носите овие парчиња, туку избегнувајте да ги вметнувате ако целта ви е да изгледате елегантно.

Која облека да ја избегнувате, а на која да ѝ дадете предност во елегантните комбинации?

Парчиња со ситни цветови

Принтот со цветови е популарен неколку летни сезони, но многу ситните цветови не изгледаат најдобро.

За поелегантен изглед, подобро одберете дезен со поголеми принтови.

Кратки панталони од тексас

Овие панталони се совршени за топлите летни денови, но не се вклопуваат најдобро во елегантни комбинации.

Шорцовите од друг материјал, од друга страна, кои се и малку широки, можат да изгледаат навистина елегантно.

Кроп-топ

Кроп-топ маичките не изгледаат многу елегантно. Но, има исклучок од ова правило – ако станува збор за комплет со кроп-топ и панталони или здолниште со висок струк, можат да изгледаат мошне елегантно.

Комбинезон со многу кратки панталони

Овие комбинезони изгледаат добро само на плажа.

За елегантен изглед одберете комбинезон со долги панталони, а уште подобро ако има само една боја или суптилен дезен.

Штикли со панделки и украси

Овие детали на чевлите неретко можат да изгледаат евтино, па најдобро избегнувајте ги.

Во летните денови ќе изгледате многу подобро со едноставни сандали со висока потпетица.

Проѕирна облека

Многу летни парчиња се направени од лесен материјал кој некогаш е и проѕирен.

Но, проѕирната облека никогаш не изгледа елегантно.

Затоа, дајте им предност на парчиња од малку подебел материјал.

Комплети што изгледаат како пижами

Широките комплети со уникатни дезени се навистина удобни, но не се најдобар избор за елегантните комбинации.

Наместо нив, дајте им предност на еднобојните костими со панталони и сако.

Накит со камчиња

Овој накит може да биде забавен додаток за некоја летна комбинација, но не и за елегантните.

Овие парчиња накит изгледаат по малку „детинесто“, па избегнувајте да ги носите со елегантни комбинации.

Спирова С. | Црнобело