„Работилницата на Дедо Мраз“ во Трикала, Грција: Влезот е бесплатен, се стига за 5 часа со автомобил од Скопје

Ако сакате да се „загубите“ во светот на Дедо Мраз и да уживате во празничната атмосфера, зошто да не го искористите продолжениот викенд (или кој било викенд до Божиќ) за да ја посетите „Работилницата на џуџињата на Дедо Мраз“ во Трикала, Грција? 

Една од најпопуларните дестинации во Грција во овој период од годината е „Работилницата на џуџињата на Дедо Мраз“ (Ο Μύλος των Ξωτικών), шарен тематски парк во Трикала.

На ова волшебно место ќе се забавуваат и големи и мали, бидејќи кога ќе влезете во светот на џуџињата кои му помагаат на Дедо Мраз, ќе се изгубите во пријатната атмосфера и нема да сакате да си заминете.

Токму ова место можете да го посетите за викенд и да ја видите Грција во едно сосема поинакво светло, а не само преку плажите и летните дестинации.

Што треба да знаете за „Работилницата на џуџињата на Дедо Мраз“?

Влезот во забавниот парк е бесплатен, а се наплаќаат само одредени активности. Има и бесплатен паркинг.

Забавниот парк се отвора во 10 часот наутро, а работи до 10 навечер.

Отворен е за посетителите до 8 јануари 2024 година.

А, таму ќе можете да ги разгледате бројните атракции, да се возите на шарениот рингишпил, да испиете кафе или топло чоколадо и да каснете колачиња со вкус на цимет и ванила.

Тука се и концертите на отворено и театарските претстави за деца.

Но, без оглед на возраста, можете да му напишете и писмо на Дедо Мраз со сите ваши новогодишни желби и да му го испратите.

Како да стигнете дотаму?

Растојанието од Скопје до Трикала е 411km, односно се стига за околу 5 часа и 15 минути со автомобил.

Се вози преку граничниот премин Богородица/Евзони, а потоа патот води кон Кавала и Лариса.

Сместување во градот може да се најде преку Booking, а 2 ноќевања во двокреветна соба чинат од 10.000 денари нагоре, зависно од локацијата на апартманот/хотелот и дали во цената е вклучен појадок или не.

Градот се наоѓа во близина на познатите Метеори, комплекс со седум манастири, па продолжениот викенд можете да го искористите и за посета на ова свето место.

 

Погледнете повеќе фотки од тематскиот парк:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

A. J. | Црнобело