Фото-прошетка низ Котор - црногорски град во кој посетителите секогаш се враќаат

Црногорски град на прекрасното јадранско крајбрежје, Котор е местото кое не смеете да го пропуштите. 

Се наоѓа во затскриен дел на Которскиот залив.

Воодушевувачките градски ѕидини говорат за историјата на градот кој и денес зрачи со духот на антиката, изграден помеѓу 12 и 14 век.

Од 1979 година стариот град Котор е на списокот на заштитено културно наследство на УНЕСКО.

Главните споменици и историските области беа сериозно оштетени од земјотресот во 1979 година, но внимателно се обновени и реконструирани под покровителство на УНЕСКО, со што ја задржаа својата историска автентичност.

Според некои извори, најстарата населба во градот датира два милениуми наназад.

Тој е дом на бројни знаменитости, како што е катедралата Свети Трифун во стариот дел на градот, изградена во 1166 година и античките ѕидини кои се протегаат на 4,5 километри директно над градот и водат до тврдината Свети Иван.

Котор претставува една од најпопуларните туристички дестинации во Црна Гора, а рекордна посетеност забележа во 2019 година кога имало над 250.000 туристи.

Стариот град всушност е најпознатиот дел на Котор, каде се зачувани которската историја, култура и традиција, а посетителите имаат можност да се восхитуваат на средновековната архитектура, цркви, катедрали, палати и музеи.

Од која врата и да влезете во градот, патот ќе ве доведе до најпознатото здание – катедралата Свети Трифун од XII век, посветена на заштитникот на градот – Свети Трифун.

Во Стариот град во Котор можете да го посетите првиот Факултет за туризам и хотелиерство, како и неколку музички сали, Центар за култура, галерии.

Уште неколку фотографии:

В. К. | Црнобело