Најубавите плажи за лето 2013

Плажата Matira, Тахити

Плажите на Бора Бора се премногу совршени за да бидат вистинити. Тоа е доста популарна дестинација со луксузни одморалишта и бунгалови ишарани по белиот песок. Но, најдоброто место е Матира плажата заради тоа што таа ве потсетува зошто овие места се толку популарни.

Плажата Champagne, Ванутау

Островска земја во јужниот Пацифик одекна во јавноста пред само неколку години кога нацијата која живее таму беше прогласена за најсреќна во светот. Со плажи како овие, како и да не бидат? Оваа плажа е наречена Шампањ токму поради природниот феномен на чистата вода која се бранува и прави светла пена која не секаде може да ја сретнете.

Плажата Grande Anse, Сејшели

Оваа плажа се наоѓа на островот Ла Диг, трет најголем по население на Сејшелите. До него е доста тешко да стигнете бидејќи нема никаков организиран превоз. Чистиот бел песок е ситен како пудра и фасцинантно сината вода сигурно ќе ви остави прекрасен впечаток. Сепак во овие води струите се доста јаки, а на плажата нема многу ладовина и сенки. Ова е идеална плажа за оние кои го сакаат топлото сонце и често се сончаат.

Las Salinas, Ибица

Оваа километарска песочна плажа во облик на полумесечина е една од најпознатите плажи на кои доаѓаат доста славни личности. Морето е кристално чисто, тиркизно, а кога дува малку повеќе ветар одлично е за сурфање. Ова е идеално место за оние кои се зависни од акција и ноќни забави. Точење на коктели до доцна навечер, организирани журки и гласна музика е она во што ќе уживате ако ја посетите.

Плажата Egremni, Грција

Драматично заоѓање на сонцето, неверојатно сина вода и доволно место за сите. Оваа долга песочна плажа се наоѓа на западната обала на Лефкада и стана популарна уште во 1990 година кога е изграден првиот пат до неа. Опкружена е со многу карпи, па затоа до неа не може да се стигне со автомобил, туку има околу 400 скалила. Уредена е со постојани лежалки, а ресторанот покрај паркингот се наоѓа во самите карпи.