Акапулко - гламурозна летна дестинација

Мексико дефинитивно може да се вброи во неколкуте најпопуларни светски дестинации, барем кога станува збор за местата покрај брегот. Канкун и Акапулко се два главни адути и бисери на тој дел од Америка, кои секоја година се преполни со туристи кои трагаат по добра забава и одмор од соништата. А, Акапулко е вистински туристички град кој го нуди тоа и многу повеќе.

Акапулко се наоѓа во државата Гуереро која е позната по голем број на содржини - од забава која трае непрекинато, па сè до културни важни знаменитости кои туристите со нетрпение чекаат да ги посетат.

Опуштањето е возможно со терапиите во термалните води, масажите со алги и други слични билки. Banyan TreeSpa е најпознатиот велнес центар во кои секој посетител може да ужива и да се воодушевува на напредните третмани за убавина дадени од природата.

Добро познато е дека Акапулко е преполн со луксузни хотели и спа центри, а едни од најистакнатите се Boca Chica Spa центарот кој се прославил со гламурозниот ентериер, како и со прекрасниот поглед кон брегот.

Луксузот се спојува со природата и во Punta Diamante, ексклузивниот туристички комплекс составен од низа хотели, ресторани, трговски центри и голф терени.

Мирните води на Акапулко се создадени за различни екстремни водени спортови, па затоа постојат и голем број на плажи кои се познати по нуркањето и едрењето, како што се Revolcadero, Puerto Marques и Pie de la Cuesta.