Правила за пристојно однесување на плажа

Сигурно барем еднаш во животот сте налетале на некоја ноќна мора на плажа, луѓе без осет кои ја тероризирале целата околина со своето однесување.

За да се осигурате дека никој не би го помислил ова за вас, еве неколку непишани правила за бонтон на плажа.

За почеток, ако сте на плажа со деца, одберете некој мал и помирен дел каде што тие ќе можат да си играат на мира, и при тоа да не погодат некој од околината со топка или да му одат на нерви со своето гласно зборење и викање.

Ако сте пушач, потрудете се да не оставате куп отпушоци зад себе. На крајот на денот соберете ги заедно со останатото ѓубре и фрлете ги во најблиската канта.

Трчањето по песочна плажа е забавно, дури и добро за стапалата, но не претставува уживање за сите оние чии пешкири ќе ги направите лом со песок, или ќе им залетне прашина во очи, пијачката, телефонот...

Вашите соседи не мораат да го делат вашиот вкус за музика, затоа, понесете си слушалки и уживајте во одморот.