Градот во кој времето стои: Во Фенгхуанг се живее како во 14ти век

Стариот град Фенгфуанг се наоѓа во југозападниот дел на провинцијата Хунан, во Кина, во подножјето на една огромна планина.

Градот е извонредно сочуван, недопрен од модернизацијата и единствено засолниште на традициите, обичаите и старата кинеска уметност.

Древниот град го има задржано својот оригинален изглед од 14 век кога е изграден, па до ден денес.

Низ него се минува низ само 20 поголеми улици и уште 10 сокачиња кои се како преплетена мрежа помеѓу древните градби.

Тука единствен превоз се кајчињата изработени од дрво, а се живее скромно во дрвени згради, тесно изградени една до друга.

Во Фенгхуанг античките храмови, дрвените кули и мостови, како и старите бунари се секојдневие, сочувано во оригиналната, првобитна форма, која сè уште не и се предава на модернизацијата.

Глетката над реката која го дели градот на два дела е фасцинантна, посебно затоа што е надополнета со магична природа која делува како недопрена од човечката рака.

Во овој кинески град сите предмети и околната природа ја имаат задржано својата автентичност, па можеби токму затоа важи за единствениот град замрзнат во времето.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•