10 најубави плажи за 2014 година

Според TripAdvisor’s Travelers Choice направена е листа на најдобрите плажи во светот. Сите се рангирани според највисоки критериуми и услови од климата, песокот, водата, туристите, услугите.

Во овој избор учествувале 322 плажи и листи на највисоко рангирани плажи за Африка, Азија, Карибите, Европа, Јужна Америка, Јужен Пацифик и САД.

Првите 10 најдобри плажи според TripAdvisor’s:

1. Baia do Sancho, Бразил

Оваа плажа е на првото место од листата со скок од четири позиции во однос на минатата година. Лоцирана е на вулкански архипелаг и ги има најдобрите оценки според критериумите.

2. Grace Bay, Провиденсијалс, Туркс и Кајкос

Се наоѓа во југоисточниот дел на Бахамските Острови во Средна Америка како дел од помалиот остров Провиденсијалс, опкружена со корални гребени.

3. Flamenco Beach, Кулебра, Порторико

Плажа која е позната по добрите услови за пливање, нуркање и спортски риболов. Таа е најубавата плажа Порторико.

4. Rabbit Beach, Lampedusa, Италија

Плажата се наоѓа на италијанскиот остров Лампедуза  во средниот дел на Средоземното Море, помеѓу Малта и Тунис. Погодна е за пливање и спортски риболов.

5. Whitehaven Beach, Австралија

Позната е како плажа со најбел песок, на високо еколошко ниво и една од најатрактивните плажи во Австралија.

6. Playa de ses Illetes, Formentera, Шпанија

Долга песочна плажа погодна за пливање, опуштање и уживање. Островот на кој се наоѓа е опкружен со розов корал и златен песок.

7. Anse Lazio, Praslin Island, Сејшели

Плажа која изобилува со мек, бел песок, кристално чиста вода о широк хоризонт кој привлекува илјадници туристи секоја година.

8. Lanikai Beach, Kailua, Oahu, Хаваи

Плажа од висока класа која во текот на неделата е речиси празна и се користи само од страна на познати фотографи и модели за снимање и фотографирање на фотосесии, а за време на викендите е полна со туристи.

9. Rhossili Bay, Свонси, Велс

Иако нема најтопла клима, сепак пејзажите кои ги нуди за бегство од реалноста  и вистински одмор се она што ја прават оваа плажа посебна.

10. Playa Norte, Isla Mujeres, Мексико

Модерна плажа со бел песок и исполнета со многу барови и ресторани, кои нудат одлична забава и релаксација за оние кои тука го минуваат слободното време.