7 дестинации на кои може да пливате со делфини

Интелигентни, пријателски расположени и секогаш со насмевка за добредојде. Воодушевуваат со атракциите кои ги изведуваат во вода.

Но, шансата да ги видите одблиску и да пливате заедно со нив е незаборавно доживување.

Постојат барем 7 дестинации од кои може да си одберете каде ќе уживате во друштво на делфините.

Брегот на Јужна Каролина

Од Myrtle до Hilton Head плажата, брегот и островите на оваа американска држава се дом за многу делфиини. Blue Wave Dolphin Adventure watch е еколошка организација која ги следи делфините, става микрофони во морето за да може и од брегот да го слушнете нивниот глас.

Бахами

Кристално чистото море на брегот на Бахамите е преполно со делфини. Овде се организираат разни нуркачки тури на кои може одблиску да ги видите овие прекрасни суштества.

Хрватска

Брегот околу Брач и Лошињ е едно од најпопуларните предели со делфини на Медитеранот. Покрај многуте морски активности, вообичаено е да ги гледате како пливаат делфините или да нуркате заедно со нив.

Баја, Мексико

Кортез е популарно збиралиште на делфини и китови. Овде водата содржи повеќе од 800 видови морски животни, поради топлината на морето во летните месеци која изнесува близу 30 степени. Водата е бистра, а плажите се прекрасни – идеално место и за луѓето и за делфините.

Турција

Нуркачкиот центар во луксузното одморалиште Fetheye е популарно место за средби со делфините. Негов сопственик е еден од најискусните нуркачи во Турција, Yilmaz. Посетите се достапни и за почетници и за искусни нуркачи.

Голем корален гребен

Овде има неколку видови делфини кои може да се видат од јуни до октомври.

Хаваи

Big Island и Maui се популарни места на кои може да се сретнат и делфини и китови. На Хаваите тоа е речиси вообичаена и секојдневна глетка.