Откријте ја убавината на Мадеира во Португалија (фото)

Мадеира по вторпат е прогласен за најубав остров во Европа. Мадеира во Португалија е архипелаг од неколку помали острови сместен во Атлантскиот Океан на 350 милји од Мароко. Составен е од островите Мадеира, Порто Санто, Пустински Острови и Дивјачки Острови.

Изобилува со неверојатни природни базени, скриени во вулкански карпи, шармантни гратчиња  со поглед на океанот и уште илјадници причини заради кои секогаш е избран меѓу најдобрите острови во Европа.

Температурата таму е секогаш умерена и како цела година да е пролет. Природните базени на Порто Мониз се спојуваат со океанот и ви даваат неверојатно уживање.

Има многу убави песочни плажи, како Калета, а островот Порто Санто е светски најпозната дестинација со најубави плажи.

Водата е чиста и топла, совршена за пливање, нуркање и истражување. Особено популарно е сурфањето и едрењето, како и параглајдингот.

Мадеира е остров  полн со шумски патеки кои ја следат водата по каналите, а некои од нив минуваат и покрај водопади кои ќе ве воодушеват.

Најдобра обиколка околу островот може да направите со некое бротче. Архитектурата на Фунчал, најголемиот град во Мадеира изгледа неверојатно. Тој изобилува со многу цркви и пазари за свежо егзотично овошје и зеленчук.

Никако не можат да се заборават прекрасните глетки, пејзажи и шансата да присуствувате на најголемиот новогодишен огномет или карневалот во Мадеитра, кој се смета за една од најголемите улични забави во Европа.

Погледнете ја убавината на португалската Мадеира:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•