Подобро од хотел со 5 ѕвезди - $23.000 долари за летање со Singapore Airlines (фото)

Можеби мислите дека ако летате до Њујорк не е важно како ќе стигнете, само посакувате да се најдете таму.

Сепак, некои авиокомпании она што го нудат за време на летот може да ви се чини дури и подобро од крајната дестинација.

Singapore Airlines Suite Class е прва најлуксузна комерцијална авиолинија која нуди посебна кабина - апартман со спална на која може да уживате.

Целиот ентериер е изработен од страна на француски и италијански дизајнери кои ги уредувале и едни од најпознатите луксузни јахти.

Апартманите се со најквалитетни материјали и елементи, целосно приватни и дигитализирани за сите потреби.

Но, задоволството со луксузна приватност и врвна услуга сепак ќе ве чини и луксузен златен билет од $23.000 долари.

Тоа баш и не може да си го дозволи секој, но некои од вистинските азиски фанатици се подготвени да земат и кредит од банка само за да го доживеат ова задоволство.

На почетокот, уште при влезот во оваа класа ве пречекува лоби како во хотел, а додека дојде авионот, добивате и приватна соба во која може да се опуштите додека чекате.

Не само што добивате врвна услуга и приватност, туку може да уживате и во првокласната храна и пијалаци и во вашиот приватен апартман, но и во ресторанот каде може да се најдете и со останатите патници од оваа класа.

Секој оброк е подготвен со посебно внимание и во однос на вкусот, но и во однос на изгледот.

Тука навистина може да ги пробате највкусните деликатеси и најскапите шампањи.

Дури може да си одберете и посебна титула под која сакате да бидете заведени во системот. Тука може да се чувствувате како крал, принц, претседател и сл.

Имате пристап до сите светски весници, доколку ви е потребно да бидете во тек со сите информации.

Секој патник во апартманот може да изгледа видео со сите безбедносни мерки во случај на несреќа.

Покрај основните работи и услуги во оваа класа добивате и луксузна козметика само за вас, можност да уживате во музиката и филмовите со врвна технологија, постелнина и пижами од светски брендови.

Доколку не сакате да заспиете и до максимум да го искористите патувањето, тогаш може да нарачате уште некое кафе со врвен вкус и најквалитетни состојки, чај или што и да е вашата желба.

Може да се обратите на секој од келнерите кои се обучени за да ви одговорат на сите потребни прашања и да ви го препорачаат најдоброто.

Може да добиете и посебен водич кој ќе ве прошета низ целиот авион доколку сакате да го разгледате.

Кога е време за спиење она што претходно ви е удобна кожна фотелја ви ја претвораат во широка спална на која може да уживате без никој да ви пречи.

Пред спиење и следното утро може да користите посебна бања во која може да се преоблечете, и подготвите за слетувањето. Веројатно е полуксузна од многу соби кои се за спиење.

 

Штом се разбудите добивате информативно видео за временската прогноза и сите неопходни информации за местото каде што треба да слетате.

Повторно ги добивате најлуксузните и најквалитетните оброци кои може да ги посакате.

Ако сè уште имате време до слетувањето и имате време за уште една дремка, може да уживате и на единечен кревет кој е еднакво удобен.

Ако покрај сите претходни оброци повторно сте гладни, ви следува сè што ќе посакате на трпезата.

На крајот сепак е добро и да се симнете од авионот-хотел, зашто Њујорк и не е толку лош.