11 причини зошто Берлин да биде вашата следна дестинација за патување

Главниот град на Германија кој во последно време е како магнет за туристи. Поради многу бројните споменици и знаменитости кои има да ги понуди го заслужува вашето посетување за кое, верувајте нема да зажалите.

Ова се 11 причини зошто баш да отидете во Берлин, кои ќе ве убедат дека тој е град кој вреди да го посетите во животот и тоа веднаш!

1. Бидејќи во Берлин е Бранденбуршката капија која вреди да се види, посебно во ноќните часови кога е осветлена во различни бои.

2. Бидејќи Siegessäule ќе ви ја одржи формата на телото со качување на неговите 285 скалила и ќе ви пружи неверојатен поглед кон цел Берлин на 67 метри височина над него.

3. Бидејќи нема да одолеете на неговите паркови кои се огромни, чисти и одлични за рекреација и опуштање.

4. Берлинската катедрала со влез од само 7 евра ќе ви презентира неверојатна златна архитектура на ентериер и привлечен екстериер од кои ќе останете со подотворена уста.

;
5. Меморијалните плочи за убиените Евреи лоцирани во центарот кои имаат различна височина до 4.8 метри ќе ве направат да се почувствувате како во лавиринт.

;
6. Тука се наоѓа и Берлинската телевизиска кула висока 368 метри со ресторан за туристите кои ја посетуваат кулата. Замислете каква е глетката седејќи во него и гледајќи низ прозорецот над Берлин.

7. Веднаш до него се наоѓа црквата Света Марија која ќе ве остави без зборови со својата неверојатна структура изградена во 1292 година која претрпела многубројни палења и урнувања, но, сепак, одново и одново била повторно издигнувана.

8. Главниот плоштад во Берлин, Александар плац ќе ви даде широк спектар на реномирани ресторани, Старбакс продавници, брендирани продавници за гардероба, многубројни споменици, како и ноќни клубови од кои нема да сакате да излезете.

9. Ништо полош не е ниту Посдамер плац кој се одликува со виоски објекти кои вашето око не може да ги дофати.

10. Бидејќи мора барем еднаш да се изгубите во огромната Берлинска главна железничка станица која наликува на цел град или да го испуштите метрото до наредната атракција која сакате да ја посетите во Берлин.

11. Културата е беспрекорна, софистицирана и светска. Не се зачудувајте доколку ве поздравуваат Германци на улица или ви посакаат пријатен ден независно од возраста, полот или националноста.

Како ви се допаѓа?