Huffington Post препорачува: 10 причини зошто да ја посетите Македонија

Изобилството на природна убавина, гостопримливи луѓе и вкусна храна се само дел од причините поради кои престижниот веб сајт Huffington Post, го инспирирале за да објави статија во која ќе издвои 10 причини кои ќе ги натераат оние што никогаш не слушнале за Македонија, да дојдат и да ја посетат.

Исто така се повикуваат и на престижниот весник New York Times кој ја стави Македонија на листата од 50 места кои треба да ги посетите во 2015-та година.

Едни од главните причини се:

1. Комбинацијата на старо и ново

Скопје е мултикултурен град, кој во себе ја чува и историјата од некое старо време претставена, преку Старата скопска чаршија, но го има и духот на модерното време, од другата страна на Камениот Мост, каде се наоѓаат плоштадот, трговските центри, кафулињата...

2. Евтините цени

За странците, македонските цени се прилично евтини. Тие се воодушевини од тоа што сè можат да купат како туристи за само неколку долари. Од евтини кафиња, храна, билет за автобус, па сè до некои евтини хотелски соби за преноќување.

3. Храна

Тоа е нештото од кое сите се воодушевени. Никој од Македонија не си заминал ненајаден или без пофалби за вкусната и евтина храна. Ги обожуваат и препорачуваат сите традиционални македонски јадења, кои ако ги пробате, не ви треба ниту една причина плус за повторно да се вратите.

Останатите 7 причини кои ги препорачува Huffington Post, прочитајте ги на овој линк.