10 места во светот каде водата е кристално чиста

Колку пати кога сте отишле на годишен одмор, покрај белата песочна плажа сте наишле на разочарување од нечистата вода?

Едно од најважните нешта за идеален одмор на езеро или море е токму чистата кристална вода во која може слободно да пливате без да имате грижа дали ќе налетате на некој отпадок, тиња, матна вода.

Често и од здравствени причини се бара чистата вода за да се избегне појавата на црвенила, алергии и инфекции.

Во иднина, ако барате места со вистински чиста и кристална вода, тогаш соберете малку повеќе пари и одберете некое од овие 10 места.

1. Laghi de Fusine (Италија)

Глацијалните езера сместени 1,5 километар од италијанско-словенечката граница се едни од најчистите кои имаат проѕирана вода и во кои може да го видите и дното и сиот подводен свет. Бидејќи водата е премногу ладна не се препорачува да се плива во неа, но може да ужива во глетката.

2. Rio da Prata (Бразил)

Благодарение на високата концентрација на подводните камења кои претставуваат природен филтер, реките  во околината на бразилското место Бонито се едни од најчистите и најпроѕирни води.

3. Jiuzhaigou Valley (Кина)

Според една легенда во овој предел настанале 108 езера кога божицата го скршила огледалото кое го добила од љубовникот на 108 парчиња. Секое езеро е спектакуларно во својата убавина на посебен начин. Во некои езера дури се преливаат и повеќе од 5 бои во водата која ја рефлектира природната убавина.

4. Exuma (Бахами)

Сите 360 острови се опкружени со кристално чиста вода каде може да пливате, дури и со диви свињи. Бојата, чистината и температурите се идеални, а многуте приватни острови ви даваат простор за интимност и уживање.

5. Zamami (Јапонија)

Ова е едно од најпопуларните туристички места во Јапонија, каде 92% од 924-те луѓе кои живеат таму, живеат од туризам. Местото е мало, но погодно за сите водени спортови, но и за уживање во кристално сината вода.

6. Hvar (Хрватска)

Островот Хвар е еден од најубавите на далматинскиот брег. Водата е идеално чиста, а поволното време со најчесто 2.700 сончеви часови во годината се смета како идеално место за годишен одмор.

7. Koh Lanta (Тајланд)

Овде не само што е чиста водата, тука ако нурнете подлабоко може да бидете воодушевени од подводните глетки на прекрасните корали, разнобојни риби и скриени подводни пештери.

8. Lefkada (Грција)

Плажите на Лефкада се едни од најубавите во цела Грција кои изобилуваат со прекрасна чиста тиркизна вода, бели песочни плажи и многу сончеви денови. Температурата е идеална за целодневно уживање.

9. Blue Lake (Нов Зеланд)

Со видливост до 80 метри длабочина, Синото Езеро и официјално е прогласено за најчисто езеро во светот. За жал, не е дозволено влегување во вода за луѓето, па ќе мора само од страна да го набљудувате и да уживате во неговите убавини.

10. Valley of the Five Lakes (Полска)

Во подножјето на планинскиот венец од Високите Татри се наоѓаат петте езера кои изобилуваат со чиста, проѕирна вода. Едно од петте езера, Морско Око е прогласено за едно од најубавите во светот, според Wall Street Journal.