Кои се 10-те најевтини градови за оваа есен?

Ако размислувате за уште еден краток одмор или викенд патување, а притоа сакате да потрошите што е можно помалку пари, тогаш наједноставно е да се упатите на исток.

Според најновото истражување направено од UBS, 6 од европските градови котираат високо на листата на најскапи градови. Најевтините се во Азија и Источна Европа.

Цирих е најскапиот град за одмор. Во просек за една ноќ треба да потрошите дури 928 евра. По него следи Њујорк со 910 евра. Ако сакате да ги посетите Женева или Токио, бидете подготвени да потрошите 883 евра.

По овие градови, високо на листата се наоѓаат и Париз, Минхен, Тајпеј, Хелсинки и Дубаи.

Ако сте дел од оние кои сакаат поевтин одмор, тогаш најдобро е да се упатите кон Букурешт каде престојот ќе ве чини 229 евра или Софија и Мумбај каде ќе потрошите 265 евра. По нив, најдолу на листата се наоѓаат Бангкок, Њу Делхи, Пекинг, Најроби и Вилнус. На 9-то и 10-то место на најевтини градови се Будимпешта и Истанбул.

Листата е направена според тоа колку две лица ќе треба да потрошат за една вечер, вклучувајќи вечера и автомобил за изнајмување или такси, но не е вклучена цената која ќе ви биде потребна за да пристигнете таму.