11 причини зошто следна дестинација треба да ви биде Cinque Terre

За посета на Италија не ви требаат некои посебни причини, но ако случајно ви треба изговор зошто да се упатите кон Cinque Terre , петте селца кои се протегаат по Лигурскиот брег во северна Италија, ви помагаме со следниве 11.

Под „Петте земји“, како што би гласел буквалниот превод на овој предел, спаѓаат селцата Monterosso al Mare, Vernazza, Manarola, Corniglia и Riomaggiore кои ќе ви создадат чувство како да живеете во разгледница.

Зошто следното патување да го испланирате токму таму?

1. Селцата имаат неоспорен шарм

Ова е едно од оние места каде не можете да направите лоша фотографија. Без разлика дали сте на врвот на Corniglia или живописното село Manarola, ќе мора постојано да се потсетувате дека не сонувате.

2. Луѓето ќе ви приредат топло добредојде

Без оглед на тоа дали ви требаат насоки или сакате на брзина да се напиете едно лимончело, очекувајте некој локалец да започне разговор и покрај јазичните бариери. Ќе се зачудите како луѓето со сосема спротивни јазици може да се разберат преку јазикот на виното и брускетите.

3. Морската храна таму е највкусна

Италијанската кујна и храна по правило е неверојатно вкусна, но кога се работи за морска храна, има нешто посебно во морските плодови од Лигурскиот регион.

4. Сите 5 селца се поврзани со Sentiero Azzuro

„Светло сината патека“ е прекрасен начин да ги прошетате сите селца, гледајќи ги карпите кои се протегаат од едната страна. Плус, патот помеѓу Manarola и Riomaggiore е познат и како љубовна патека која е совршена за мала пауза со бакнежи или поставување на судбоносното прашање.

5. Ако не сте по пешачењето, секогаш можете да се качите на траект

Тука буквално ќе се разгалите, па ако сте премногу мрзеливи да пешачите, имате траект на кој треба само удобно да се сместите и да ја набљудувате убавината наоколу.

Уште 6 причини на следната страна...