6 спектакуларни градби за кои никогаш не сте слушнале

Сите ние добро ги знаеме познатите туристички атракции како Колосеумот во Рим, Кинескиот ѕид или Таџ Махал, но од друга страна пак, има атички градби за кои ниту најголемите љубители никогаш не слушнале.

На пример:

1. Големата џамија во Џене, Мали

Оваа џамија е стара околу 100 години и претставува една од најголемите згради направени од глинени цигли во светот. Во 1988 стана дел од листата на УНЕСКО за светско наследство. Во 1996-та година после едно снимање на списанието Вог, атракцијата се затвори за туристите.

2. Чанд Баори, Индија

Ова е еден од најстарите и најдлабоки бунари во светот. Џиновската структура наликува на превртена пирамида и е длабока 30.5 метри. На три ѕидови има 3.500 скали наместени во совршена симетрија.

3. Палатата на парламентот, Романија

Едно од најпопуларните места во Букурешт кое било изградено за време на Социјалистичката република е токму оваа градба. Палатата се смета за една од најголемите и најскапи цивилни административни згради во светот со 3.100 соби и површина од 330.000m2.

4. Тврдината Кумбалгар, Индија

Оваа тврдина е обиколена од уникатен ѕид кој во антички времиња бил познат како „Чувар на смртта“. Ѕидот е со должина од 36 километри и на некои места е висок до 8 метри. Бил потребен цел еден век за да се изгради.

5. Џамијата на шеикот Лотфола, Иран

Џамијата е изградена некаде помеѓу 1602-та и 1619-та година, а претставува ремек-дело на иранската архитектура. Оваа џамија нема минариња, па се смета дека не била наменета за јавна употреба туку за жените од харемот на Шахот да се молат.

6. Тврдината Дервар, Пакистан

Оваа монументална тврдина е изградена во 1733-та година и се состои од 40 бастиони кои како да никнуваат од пакистанската пустина. Заедно формираат обем од 1.500 метри, а самата зграда е висока 30 метри. Дури и локалното население е ретко свесно за нејзиното постоење.

Н. Г. | Црнобело