Памуккале – памучната тврдина во Турција (фото)

Памуккале или ,,Памучната тврдина“, како многумина го нарекуваат, е место каде се чувствувате како на раб помеѓу сонот и јавето, бидејќи изгледа потполно нестварно.

Нашата планета е богата со многубројни чудесни места, што секој човек барем еднаш би требало да ги види во живо. Од сини лагуни до неверојатни пејзажи, светот е преполн со возвишени креации на природата.

Денес ве водиме до Памуккале, кое се наоѓа во југозападна Турција, сместено во близина на градот Денизли. Претставува комплекс од минерални топли извори, поради што со векови се користело како лекувалиште, а денес претставува една од најголемите туристички атракции во Турција.

Она што Памуккале го прави посебно привлечно се термалните извори, кои неодоливо наликуваат на тераси од кои се прелева тиркизна вода. Во нив се сместени природни базени, богати со многубројни минерали, а температурата на водата изнесува од 35 до 100 степени.

Белата боја на варовничките карпи уште повеќе придонесува кон несекојдневниот изглед и амбиент на Памуккале. Низ базените можете да шетате боси, а во дел од нив можете и да се искапете. Која и да е вашата замисла, Памуккале е место кое дефинитивно вреди да го посетите.

Во продолжение, ви претставуваме неколку фотографии кои ја отсликуваат неговата магична убавина многу подобро од зборовите.

Уживајте во глетките!

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело