Како од бајка: Најубавите слаткарници во Париз

Париз- еден од најубавите и најинспиративните градови во светот. Град за сонувачи, за љубов, за уживање во сите задоволства.

Кога зборуваме за Париз, не можеме да не ги спомнеме фамозните француски слаткарници какви што нема никаде на светот. Со прекрасен ентериер и огромен избор на недоливи вкусови, слаткарниците во Париз се нешто што не смее да се пропушти.

Ние одбравме неколку од нив кои задолжително треба да ги посетите ако патувате во Париз.

L’ECLAIR DE GÉNIE

32 rue Notre Dame des Victoires

Слаткарница  во која се продаваат различни видови на еклери со најразлични вкусови: чоколадо, ванила, овошни, со јаткасти плодови и прекрасно декорирани. Меѓу највкусните се Lemenom Yuzu и Vanilla Pecan Nut.

CHRISTOPHE MICHALAK

8 Rue de la Verrerie

Една од најпознатите слаткарници во Париз во изминативе години. Кристофер долги години работел во атрактивниот хотел Plaza Athenee, но сега својата креативност ја насочува во неговиот сопствен мал рај.

Никаде нема да најдете попрецизно декорирани торти и колачи.

SÉBASTIEN GAUDARD

22 rue des Martyrs

Првото нешто што ќе забележите кога ќе влезете во оваа слаткарница е прекрасниот ентериер во романтични пастелни бои. Служат сладолед, торти, колачи и кроасани.

La Pâtisserie des Rêves

93 rue du Bac

Насловот значи „Слаткарница од соништата“ и навистина изгледа така. Со шарен и разигран ентериер сместена во типичен париски кварт, во оваа слаткарница ќе уживате и во амбиентот, и во вкусот.

Ladurée

75 Av. des Champs-Élysées

Не може да не ја спомнеме една од најпопуларните слаткарници во светот, Laduree. Уникатен дизајн и одличен избор на макарунси. Задолжителна на листата на места што треба да ги посетите.

М. В. | Црнобело