7 места за романтичен меден месец во Италија

Прекрасната Италија е избор на многу брачни парови низ светот кои планираат меден месец.

Има толку убави места што вреди да се видат, па понекогаш е тешко да се одбере каде да отпатувате.

Ние ви предлагаме 7 романтични дестинации во Италија, идеални за меден месец, кои ќе ве воодушеват на прв поглед:

Фиренца

Не случајно Фиренца се најде на првото место на листата. Ова е еден од најромантичните градови во светот, град каде магијата е присутна во секое ќоше.

Срцето на Тоскана има огромен избор на хотели и одлични ресторани, а ако патувате таму, не заборавајте да направите прошетка со бротче по реката Арно, под мостот Понте Векио.

Пиемонт

Пиемонт е регија сместена во северозападниот дел на Италија. Најпознат е по совршените глетки на Алпите и превкусната храна и вино. Ако сте љубители на автентични вкусови во прекрасен амбиент опкружен со лозја и зеленило, ова е вистинскиот избор.

Амалфи

Брегот на Амалфи е познат по шарените куќи распослани на брегот на Средоземното Море, рибарските селца и скриените плажи од каде нема да сакате никогаш да си заминете. Задолжително посетете го островот Капри и пробајте го коктелот Негрони на некоја плажа.

Венеција

Секогаш романтична и прекрасна, Венеција ги исполнува очекувањата на сите кои ќе ја посетат. Плоштадот Сан Марко, гондолите, мостот Риалто се само дел од убавините на овој град.

Верона

Има ли поубаво место за меден месец од градот на Ромео и Јулија? Верона е создадена за вистинските романтични души. Прошетките низ нејзините улички ќе ве одведат во магичен свет. Посетете го Arena di Verona, амфитеатар на отворено каде се прикажуваат интересни претстави и концерти.

Сардинија

Овој Медитерански остров некогаш имал забранет пристап, но денес е едно од најпосетените места во цела Италија. Со богата историја и уште поубава архитектура, Сардинија нуди за секого по нешто.

Апулија

„Штиклата“ на Италијанската чизма е помирна, но исто толку шармантна алтернатива на Амалфи. Ова место изобилува со бујно зеленило, песочни плажи и рустични куќички.

Задолжително посетете го местото Алберобело. Вечерајте во уникатниот ресторан изграден во карпа, Grotta Palazzese.

М. В. | Црнобело