Балканска прошетка - 7 есенски авантури кои не смеете да ги пропуштите

Истрошени од патување налево-надесно и пари и со есента веќе на прагот, веројатно сите имаме желба за уште едно патување кое ќе го означи почетокот на новата сезона.

Доколку не ви се оди премногу далеку, имаме 7 совршени места на Балканот за вас.

Време е да ги (ре)откриете балканските убавини, да видите нешто ново и интересно и да запишете нови возбудливи авантури во вашиот ментален дневник:

Авантуристичко возење со Балкан Експрес

Познатата железничка линија која поминува низ повеќе балкански предели нуди незаборавни глетки и пејзажи. Качете се од Белград и возете се до Бар, мало гратче кое дише со историја, на брегот на Јадранското Море во Црна Гора.

Ова е една од најубавите железнички линии во Европа.

Моќниот Рилски манастир

Лоциран на истоимената планина, овој манастир бил формиран во 10 век. Годипно привлекува околу милион туристи, а навистина има и зошто.

Прекрасни глетки, богато историско наследство и автентична архитектура. Рилскиот манастир е оддалечен само 117 km од Софија.

Живописното Врело Буне во Благањ

Совршен спој на природа и архитектура, лоцирано околу течението на реката Буна. Текето Благањ, манастир изграден во 17 век е одлична идеја за посета во текот на целата година, бидејќи местото се одликува со блага медитеранска клима.

Величествената Аја Софија

Оригинално изградена како Грчка православна црква, а подоцна преобразена во манастир, денес Аја Софија е музеј кој е можеби најдобриот печат на Истанбул, од културолошки, историски и архитектонски аспект.

Магичниот Охрид

Можеби си го земаме понекогаш здраво за готово бидејќи ни е блиску и е наш, но сите туристи кои го посетиле се согласуваат дека е еден од најубавите градови кои ги виделе во животот.

Самуиловата тврдина, Канео, Свети Наум и синото езеро, што повеќе би посакале?

Вечниот Дубровник

Мештаните ќе ви кажат дека Дубровник не е она што беше по снимањето на популарната серија Game of Thrones, бидејќи владее неподнослив хаос поради огромниот број на туристи.

Но, Дубровник сепак останува монденска дестинација за луѓе со вкус. Истражувањето на градот со жичарницата е особено возбудливо задоволство.

Карпестите Метеори

Поради екстремните температури – прежешко во лето и преладно во зима, есента е одличен временски период за посета на Метеорите во Грција.

Комплексот православни манастири ќе во влее мир во душата и ќе ви го исполни срцето со тишина. Глетката е просто неверојатна, како излезена од некоја приказна.

(О)Милена | Црнобело