Топ 10 најзабавни и најпријателски градови во светот

„Сити Лајф Индекс“ ја состави годишната листа на градови кои на своите жители и на посетителите им нудат забава, рекреација и одлична атмосфера.

Критериуми по кои е правена оваа листа се односот кон туристи, туристички искуства, искуства на локални жители, кафетерии и ресторани, културен живот, како и тоа што градот има да понуди како разонода за во слободно време.

Па, доколку сакате да видите кои градови се меѓу првите 10 кои што ги исполнуваат овие услови, погледнете ја листата во продолжение:

Барселона - овој град на своите посетители им нуди прекрасна архитектура и пејзажи, врвна услуга во рестораните и кафулињата, како и пријателски пристап на жителите кон туристите.

Филаделфија - жителите на овој град се задоволни поради соодветните цени на основните продукти за живот во однос на стандардот, како и од одличниот јавен превоз кој му дозволува на секој жител да стигне на работа за 24 минути, во просек.

Лисабон - жителите и привремените посетители сметаат дека во овој град е многу лесно да се склопат нови пријателства, но и да се најде романтичен партнер. Просечна цена на ноќевање изнесува помалку од 2.500 денари.

Манчестер - вистинско место за оние кои сакаат да се социјализираат со попладневен чај, но и со по некој алкохолен пијалок.

Мадрид - град кој на посетителите им нуди незаборавно искуство во поглед на културен живот, како и ресторани во кои се служат најразлични специјалитети, како традиционални, така и деликатеси, по релативно пристапни цени.

Лондон - жителите велат дека секогаш има што да се прави во Лондон, почнувајќи од едноставно пиење пиво во паб, па до одење во театар или музеј, но и едноставно шетање во трговски центри. Единствена мана на овој прекрасен град е што локалците тешко се спријателуваат, а неретко и цените се превисоки за туристите.

Мелбурн - ова е дефинитивно еден од најсреќните градови чии жители се задоволни и од достапноста на работни места, плата, пријателство, а најмногу од достапноста на храна и пијалоци.

Њујорк - градот кој никогаш не спие, кој на жителите и посетителите им нуди исклучителен ноќен живот и еден од најчестите градови кои се наоѓаат на листите со желби на оние кои никогаш не го посетиле. За жал, мештаните тешко се спријателуваат со туристи.

Порто - жителите на овој град се горди што живеат таму и се чувствуваат слободно да бидат свои, без разлика што и да прават. Исто така, ноќниот живот, вклучувајќи тука и превоз, не чини повеќе од 1.700 денари.

Чикаго - овој град има високи оценки во секој поглед: храна, пиење, среќа, култура и пристапни цени. Единствено, нивото на безбедност не е на највисоко ниво.

Други градови кои се најдоа на оваа листа се: Единбург, Тел Авив, Остин, Париз, Мексико Сити, Шангај, потоа Сан Франциско, Берлин, Токио, Лос Анџелес, Цирих, Пекинг, Вашингтон, Бангкок, па Москва, Хонгконг, Мајами, Сиднеј, Дубаи, Бостон, Сингапур и Истанбул.

С. У.| Црнобело