Мал средновековен град во Словачка е следната популарна романтична дестинација

Во срцето на Словачка се наоѓа градот Banská Štiavnica, прекрасен средновековен мал град каде е објавена најдолгата љубовна песна во 19-тиот век.

Инспирирани од минатото, жителите на овој рударски град сметаат дека токму Банска Штиавњица е следната популарна европска романтична дестинација.

Поетот Андреј Сладковиќ во 1846 година ја напишал песната „Марина“, посветена на неговата несреќна љубов кон сограѓанката Марина Пишлова, составена од дури 2.900 стихови.

Поетот бил сиромашен, а Марина била омажена за богат пекар. Куќата во која Марина некогаш живеела денеска е претворена во љубовен епицентар, во кој се изложени извадоци од песната.

Исто така, во нејзината куќа постои и таканаречена банка на љубовта, каде паровите можат да ги остават своите љубовни завети.

Локалните невладини организации се сигурни дека во овој град лежи потенцијал за нова Верона.

Banská Štiavnica е целосно сочуван средновековен град со многу историски споменици и артефакти кои сведочат за животот низ вековите.

С. У. | Црнобело