9 тајни за авиокомпаниите кои ќе направат да патувате поевтино

Намалете на багажот, откажете се од директните летови и со тоа зголемете го бројот на километри што ќе можете да си овозможите да ги прелетате во животот.

Голем дел од парите за патувања се трошат на летовите.

Но, со добро планирање и внимателно носење на одлуки можете да ги користите услугите на авиокомпаниите за навистина мали суми.

Неколку трикови за заштеда при патувањето со авион:

Пронаоѓање на совршените билети

Најлесниот начин на заштеда е да направите споредба на цените на повеќе авиокомпании до вашата дестинација и, се разбира, да го одберете најевтиниот билет.

Внимавајте одредени цени важат до точно определено време, па ако го преминете рокот, тогаш обидете се да ја посетите верзијата од сајтот за некоја друга земја, што е во друга временска зона. Променете го јазикот и искористете ја продажбата.

Цена за патување со авион иста како цена за патување со автобус

Тарифите на обичните компании најчесто вклучуваат билети „all inclusive“, додека нискобуџетните компании ви нудат и опција само летање со рачен багаж по многу ниска цена. Секоја дополнителна опција се плаќа дополнително.

Цените во овие компании понекогаш се пониски дури и од цените за патување со автобус. Условите нормално се поскромни отколку во обичните авиокомпании.

Само внимавајте дополнителните трошоци може да бидат големи. Најдобро е сè што сакате дополнително, однапред да платите преку нивната веб страница.

Посетете го веб сајтот на аеродромот на кој ќе слетате

Добро би било да го отворите веб сајтот на аеродромот на кој ќе слетате. Ќе откриете што може да добиете бесплатно.

На пример, аеродромот во Сингапур им нуди бесплатна тура на градот на патниците кои транзитираат тука. Аеродромот во Амстердам располага со огромна бесплатна книжарница со комфорни столчиња. На аеродромите често има и разни промоции и примамливи продажби.

Исто така, може да откриете некои нискобуџетни компании, кои не се многу популарни, па потоа да побарате на Google поконкретни информации за нив за во иднина.

На сајтот ќе најдете и мапи на летови.

Изберете подолга рута, наместо директен лет

Изберете рута со трансфер. Тие најчесто се поевтини од директните лет. Проверете и дали има можност за бесплатен престој во земјата каде транзитирате.

Додека го чекате наредниот лет за вашата дестинација, можете да го истражите и градот каде слетавте, да појдете на пешачка тура, да се почестите со некој локален специјалитет итн.

Чартер летовите нудат интересни дестинации и цени

Чартер летовите најчесто ги нудат туристичките агенции, но понекогаш тие не успеваат да ги продадат аранжманите, а во авионот има места, па ги продаваат по 20-50% пониски цени.

Чартер летовите понекогаш ќе ве однесат на интересни дестинации до кои нема обични летови. Негативна работа е само тоа што може да ви откажат во последен миг.

Летовите може да бидат платени со бонус километри

Многу авиокомпании ви нудат собирање на километри со нивните летови, па по некое време да соберете доволно и да имате бесплатен лет.

Дури и некои сајтови за патување од типот на Tripadvisor ви нудат екстра километри за да ве охрабрат да напишете критика за патувањата.

Враќање со поинаква рута

Враќањето по поинаква рута по правило е поевтино, а и позабавно.

Направете комбинација на поевтини летови, па ако треба направете и кусо патување со автобус притоа.

Уловете ги „грешките“

Се случува ќе наидете на цена на билети толку ниска, што ви изгледа дури како грешка. Тоа можеби и навистина е грешка, но нема време за медитација, купете го билетот веднаш.

Ако често прегледувате, ќе забележите дека вакви цени се појавуваат од време навреме.

Искористете го надоместокот за презакажан лет

Авиокомпаниите понекогаш продаваат билети повеќе од што авионот може да собере затоа што често се случуваат откажувања. Но, ако сите потврдат, тогаш компанијата бара волонтери кои би се повлекле од тоа патување.

Согласете се да бидете волонтер затоа што ќе летате без проблем со наредниот лет, плус ќе добиете ваучер за летање како компензација. Понекогаш ваучерот може да биде и за некој хотел и ресторан, но во секој случај не е лошо.

Ова особено се случува во време на празници и фестивали.

С. С. | Црнобело