7 причини зошто да ја посетите една од најбогатите држави во светот - Луксембург

Од живописни замоци до прекрасна природа и вина, постојат низа причини за вакво патување.

На географската карта тешко ќе ја пронајдете државата Луксембург, поради тоа што таа е навистина мала и се простира на само 2.584 квадратни километри од европскиот континент.

Во срцето на Западна Европа, граничи со Франција, Германија, Белгија и е совршено место за патување до сите поголеми градови во Европа. Главен град и е истоимениот град Луксембург.

Постојат низа причини зошто треба да ја посетите оваа мала, богата земја:

Таа е неверојатно убава

Во главниот град има тврдини, цркви и мали живописни улици, а надвор од градот има неверојатна природа и замоци.

Не е толку скапа колку што мислите

Бидејќи е една од најбогатите држави во светот, според глава на жител, сигурно очекувате и вртоглаво високи цени, но не е така. Во градот Луксембург цените не се поскапи отколку во Њујорк, Лондон и Париз.

Има одлична инфраструктура

Автопатите беспрекорно се одржуваат, а од крај до крај можете да ја извозите за 1 час и 20 минути.

Храната и пијалаците се одлични

Во сендвич помеѓу Германија и Франција, Луксембург има завидна кујна со вкусно сирење, сланина, пита и неверојатни вина, кои сами ги произведуваат. Препознатлив е и нивниот локален алкохолен пијалак „kir“.

Забавата е умерена

Има одличен ноќен живот, но без сцени и пијани луѓе по улиците.

Богата историја

Владеењето со Луксембург има уникатна форма, која личи на монархија. Станува збор за т.н. Големо Војводство во кое официјално се зборуваат три јазици: луксембуршки, француски и германски.

Цигарите се евтини

За разлика од другите земји во Европската унија, цигарите имаат пониски цени поради малите даноци. Нормално, сепак многу повисоки отколку во Македонија.

С. С. | Црнобело