Македонка на тура со велосипед низ бајковитите швајцарски села (фото)


Македонка на тура со велосипед низ бајковитите швајцарски села (фото)

Недогледни зелени пространства, мистични водопади, магични пејзажи и осаменички куќи се дел од работите кои осамнаа пред очите на 30-годишната Ивана Кушлиќ за време на нејзиното патување во Швајцарија.

makedonka-na-tura-so-velosiped-niz-bajkovitite-shvajcarski-sela-foto-01.jpg

Ивана Кушлиќ е 30-годишна скопјанка која мина еден месец во крстосување на прекрасните швајцарски села со велосипед.

Уште на почетокот од годината таа си ја поставила оваа цела, а сега успеа да ја реализира.

Од спиење во хостели до престој кај пријатели, од превоз со авион заедно со својот велосипед до превоз со возови низ Швајцарија, целото нејзино патување е вистинска авантура.

Вели дека природата на Швајцарија навистина го одзема здивот и дека со прошетката низ швајцарските села срцето и душата ѝ се задоволни, а батериите наполнети.

Ивана вели дека Швајцарците се вљубеници во велосипедизамот и дека насекаде постојат патеки за нив. Дури и по самите автопати на секои неколку километри има мини велосипедски станици каде за неколку франака може да си смените гума или да се послужите со алат за да го поправите вашиот велосипед.

На подножјето од планините има т.н. „чувари на планината“, кои ви поставуваат прашања за да ја проценат вашата психолошка подготвеност за искачување, плус квалитетот на вашиот велосипед и на тој начин ве проценуваат и советуваат која е најдобрата патека за вас.

Matterhorn, Jungfrau, Lauterbunnen, Grindelwald, Berner Oberland се дел од местата што ги посети Ивана.

Фотки од нејзиното патување:

С. С. | Црнобело

Би можело да ве интересира:

Низ фотки: 20 причини да го посетите Златибор во зима Златибор важи за едно од најбајковитите места во Србија, кое има многу што да по...
Мојот престој во храм на Кришна: „Молзев крави и се грижев за градинат... По двонеделно талкање низ автопатите низ Холандија и Белгија, конечно отседнав д...
Божиќни маркети, ски ресорти и вкусна храна: Што значи да се патува во... Декември и тоа како знае да биде соодветен за патувања. Можеби немаме долги и то...