3 дестинации за поинакво велигденско патување

Во пресрет ни доаѓа интересен период. Велигденските празници и тоа како знаат да ни приредат пријатни доживувања. Сето време поминато со семејството и пријатели е вредно за долго сеќавање. 

Но, зошто овој Велигден да не направиме некоја промена? Мислам дека на сите добро би ни дошла. Тоа не мора да бидат големите метрополи, овој пат нека си дадеме шанса да посетиме некои скриени места во Европа.

Може тоа да бидат средновековни селца со убави замоци, места богати со историја и архитектура.

Во продолжение следува листа на области во Европа, кои во себе содржат убавина и пријатност:

Валонија (Белгија)

Оваа област во Белгија е соодветна за патувачи кои не сакаат да брзаат за ништо и на сè сакаат да одвојат време. Тука ќе се изгубите во еден свет, кој сте заборавиле дека постои.

Камени улички, реки кои поминуваат низ градови и дворци сместени на ридови се дел од нештата на кои ќе налетате во Валонија. 

Нормандија (Франција)

Овој историски регион во Франција е значаен по многу настани. Тука е запалена француската хероина Јованка Орлеанка, а Нормандија е регион каде што се наоѓа островот Мон Сен Мишел.

Ако сакате да уживате во опкружувањето, тоа задоволство несомнено ќе го најдете тука. Нормандија е повеќе од она што може да замислите.

Баскија (Шпанија)

Уште еден историски регион се наоѓа на листава, а тоа е Баскија. Или автономна заедница на Шпанија. Освен што граничи со Франција и има излез на Атлантскиот Океан, регионот Баскија знае да ги инспирира луѓето со своите плажи, мистични шуми и градовите.

Една од најпознатите дестинации е Сан Себастијан. И тука се наоѓаат дури три локации каде што е снимена серијата Game of Thrones. Плажите Itzurun и Muriola, како и  San Juan De Gaztelugatxe.

Автор: Евгениј Хоуп | Црнобело