Отворен е Banwa Private Island, најскапиот ресорт во светот - Колку чини една вечер и каков луксуз нуди?

Отворен е најскапиот ресорт во светот, кој нуди неверојатен луксуз за 100.000 долари од вечер, а задолжителна е резервација од минимум три ноќи.

Banwa Private Island е рај на Земјата од 60.000m², а ресортот се наоѓа на приватен остров на Филипините до каде може да се стигне со приватен лет или хеликоптер.

Според нивната официјална страна, ресортот е „приватен свет каде времето стои во место“, а температурата ретко паѓа под 30˚С.

Оние кои ќе одвојат 100.000 долари за една вечер, мора да престојуваат минимум уште 2 ноќи, а ќе бидат сместени во една од 6-те вили кои се луксузно опремени, имаат приватен „infinity“ базен, собите се со прозорци од горе до долу и имаат неверојатен поглед.

Во ресортот има ресторан кој служи само органска храна, растена во локалниот регион, а морските плодови се свежо уловени.

Покрај спа третманите, гостите имаат можност за уште многу други активности, како јога, тенис, голф, нуркање, возење на скутер и други видови забава во вода.

Погледнете како изгледа луксузниот и најскапиот ресорт во светот:

• 
• 
• 
• 
• 
• 
• 
• 
• 
• 
• 
•  

М. М. | Црнобело