Фотограф ја истражува тивката убавина на Венеција навечер

За време на викенд патување во Венеција, фотографот Тибауд Поириер се вљубил во тишината на градот навечер.

Користејќи ги неговите вештини за архитектонска и урбана фотографија, Тибауд направил импресивни фотографии од градот. Низ неговите очи можеме да ја видеме Венеција како тивко и мирно место, без гужвата и туристите што често го дефинираат градот.

Комбинирајќи симетрични и асиметрични композиции, Тибауд си игра со уникатните карактеристики на Венеција и нуди живописен поглед кон животот на островот.

Фотографиите им овозможуваат на гледачите да ѝ се восхитуваат на магијата на градот изграден врз вода. Мостовите се рефлектираат во мирната вода на каналите и создаваат одличен контраст со богатите тонови на архитектурата.

Без трага од човек, фотографиите покажуваат колку всушност малку се променил градот откако бил изграден.

„Работев на слични фотографии во Париз, но ми беше многу полесно да го доловам чувството на град замрзнат во времето во Венеција, бидејќи нема автомобили и архитектурата е иста изминативе векови. Сакав да ги доловам типичните погледи во Венеција, па поради тоа ќе најдете вода на сите мои фотографии.“

Со само неколку денови на располагање за фотографирање, фотографот успеал да најде навистина интересни места. За Тибауд оваа серија фотографии била начин да отиде до потивките места во градот каде што, на неговото пријатно изненадување, немало гужва.

На крај успеал да направи уметнички фотографии што даваат нова перспектива на оваа често фотографирана дестинација.

Спирова С. | Црнобело