Македонците, Грците и 7 други нации откриваат што мразат кај туристите

Индија

Во ред е да дојдете изгубени кај нас и да барате спас, но нè нервира што стапувате во контакт со некои т.н. гуруа, кои не знаат ништо за вистинската медитација и јога.

Нема потреба да ги сликате сиромашните луѓе и потоа на сите да им покажувате колку сиромашно се живее во Индија.

Јужна Кореја

Ако доаѓате кај нас на шопинг не ги оставајте куферите со стари работи тука. Да, многу туристи го прават тоа, а според нашите закони мораме да ги чуваме 1 година во случај сопственикот да одлучи да се врати, па ни фаќаат многу простор.

Соблекувајте ги чевлите кога посетувате корејска куќа, па дури и кога влегувате во хотелска соба, тоа важи за сите азиски земји, не ги внесувајте бактериите однадвор.

Грција

Многу туристи упорно ни ги игнорираат оградите поставени околу археолошките пронаоѓалишта за да си направат кул фотка. Сфатете дека не ви е дозволено да чекорите таму со причина, сакаме да си ја зачуваме историјата. Некои дури ни крадат и артефкати, жално.

Македонија

Нè нервира што туристите мислат дека единствено што вреди да се види во Македонија е Охрид, ретко можеби плус Матка и Старата скопска чаршија, а ние имаме толку прекрасни места од типот на Берово, Кокино, Крушево, Галичник, Попова Шапка, Вевчани итн.

Бонус општи правила за туристите во сите земји:

Не правете фотографии апсолутно со сè, па дури и со локалците кои случајно минуваат покрај вас и си ги извршуваат дневните обврски.

Не се обидувајте да правите кул селфи фотки на опасни места, изложувајќи се на ризик, без разлика дали станува збор за карпа, ограда или глечер.

Во друга земја сте, па запомнете дека луѓето може да се однесуваат поинаку, па не се смејте на навиките на локалците.

Бидете фини секогаш и секаде и внимавајте да не оштетите нешто во земјата што ја посетувате.

С. С. | Црнобело / фото: depositphotos.com