„Венеција од Истокот“ - Најголемото село на вода во светот

Малата островска држава Брунеј е навистина богата, а нејзиното богатство најдобро се забележува во главниот град Бандар Сери Бегаван.

Но луксузот не е дел од животот на многу од жителите на градот. Голем дел од населението на градот живее во негова близина, во „селото што плови“ во Реката Бурнеј.

Веќе 1.300 години луѓето се населуваат во селото Кампонг Ајер, познато и како „Венеција од Истокот“.

Покрај тоа што е дом на околу 13.000 луѓе, селото Кампонг Ајер има и џамии, училишта, ресторани, полициски станици и пожарна, и сите се наоѓаат на вода.

Низ селото се поставени дрвени мостови, а за да стигнат до копно, жителите можат да земат такси, по цена од 1 долар. Токму поради овој такси превоз на вода, селото си го добило прекарот „Венеција од Истокот“

Инфраструктурата на селото може да ги издржи поројните дождови, кои се честа појава во сезоната на монсуните.

Селото има и електрична енергија, телефонски линии, интернет, па дури и сателитска телевизија.

Куќите во селото се продаваат по цена од 4.000 до 45.000 долари, а достапни им се само на жителите на Брунеј.

Во побогатите делови од селото постојат навистина луксузни куќи, од кои дел се управувани од AirBnb и се достапни за туристи.

Сепак, во посиромашните делови, куќите се пред распаѓање.

За жал, загадувањето на водата го направила риболовот, главната индустрија во селото, невозможен. Поради ова, голем дел од жителите се враќаат на копно, во Бандар Сери Бегаван.

Некогаш селото го сочинувале дури 60% од населението на Бандар Сери Бегаван, но денес оваа бројка е спуштена на 3%.

Сепак, локалните жители се надеваат дека туризмот ќе му го врати животот на селото.

Спирова С. | Црнобело